Sisifo lez

Amona amona, andereñoak honako istorioa

kontatu digu gaur eskolan:

ba Egipton, piramide erraldoiak dauden leku horretan,

ibaitzar bat omen zegoen eta aspaldi, baina oso

oso aspaldi gainezka egiten zuen eta ur maila jaistean

lur sailen mugak ezabatzen ziren  eta hauek berriro zehazteak

lanak emanagatik nahitaezkoa izan behar zuen

pentsa, lurrean ordena mantentzearen parekoa omen zen.

Ordena, horrela esan digu andereñoak

Eta gerora greziarrek miresmenez lan hari

Geometria deituko zien, lurra lantzea.

Jesus amona, orduan

geometra bikaina zara zu! Eta ez dut konprenitzen

matematika horren

horren zaila dela esanez kexatzen den jendea. Huskeriak!