The Indezents bloga >>

Aspaldiko partez kontzertu gaua izan genuen larunbatekoa. Ordiziarrock jaialdiaz gozatzeko aukera izan dugu asteburu honetan Ordizian eta hainbat talderen artean Sexty Sexers beratarrak izan genituen bertan. Orain gutxi Kafe antzokian izan ziren Willis Drummond baionarrekin batera baina nahiz eta plana egina izan, ez ginen azkenean bertara gerturatu. Horregatik, ezin genion horrelako aukera bati muzin egin eta Ordizira abiatu ginen talde honen zuzeneko basatia ikusteko asmoz eta nola ez, ez ginen damutu.

Talde honen zuzenekoa izugarria da, ez naiz aspertuko esateaz. Lehen diskoarekin ikusiak neuzkan biran eta horrexek harritu ninduen gehien; zuzenean duten jarrera, humorea, harrokeria… aktitudea edo dena delako hori. Ez dakit ziur zer den baina ez dago zalantzarik beraiek badutena.

Bigarren diskarekin zuzenean ikusten nituen lehen aldia zen eta banuen gogoa. Urkamendi Blues diska aurrekoa baina askoz helduagoa da. Denbora gutxian asko hobetu dute eta musika kontuan edozein lekutatik edateko gai direla erakutsi digute.

Hala ere, ez da hori talde honen arma nagusia. Esan bezala, beraien zuzenekoa da duten ezaugarririk azpimarragarriena. Lehen kantutik azkenerarte dena ematen dute eta zuri ere dena emanarazten dizute ezinezkoa biurtuz beraien kontzertu baten aurrean geldi geratzea. Ez dira talde soil bat, hori baina gehiago dira. Sexi Sexers, Rock BANDA bat da eta eszenatokira igotzen diren bakoitzean garbi uzaten digute izerdi eta Jack Daniels artean. Egiten dutenarekin gozatu eta ikustera joaten garenoi gozatuarazi egiten digute eta hori, gaur egun ikustera ohituta gaudena baina askoz gehiago da. Rock talde asko ikusi ditut kontzertuak ematen baina BANDA gutxi eta bat, hauxe dugu. Jarrai dezatela horrela! Nik hurrengoan, errepikatu egingo dut.

Lastima soinua ez zen beraien mailan egon. Batzuk ulertu beharrean daude soinu kalitatea ona ez bada ez dela arazoa bolumena igoz konpontzen. Oraindik pitido latza dut eskubiko belarrian…