The Indezents bloga >>

Gogoan dut Flume entzun nuen lehen aldia. Zerbait ikutu zidan barrenean lehen entzunalditik eta kantu eder horren atzean nor edo zer zegoen ikertzen hasi nintzen. “For Emma, Forever Ago” Bon Iver amerikarren lehen diska izan zen eta hiru urte geroago, nire diska kuttunetakoen artean egoten jarraitzen du.

Hitz egin dizuet behin baina gehiagotan Justin Vernonen proiektuaz (hemen eta hemen dibidez) eta egia esan, blog honetako artikulu asko eta asko diska zoragarri hori atzean nuela idatzi ditut. Horregatik, deseatzen nintzen diska berria esku artean izateko eta Azkenan, iritsi zaigu. Aurrerapen bat zintzilikatu dute sarean eta zalantzarik gabe esan dezaket, ez diotela inori kalerik egingo.

Klima hotz baina emotibo zoragarri hori sortzen jarraitzen dute, Bon Iver maitatuarazi ziguten melodiak marrazten jarraitzen dute baita ere baina aldi berean, erabat berria da Calgary azken diska hau.

Diskaren kopia digital batzuk ere filtratu dira sarean eta ez da oso zaila diska bere osotasunean eskuratzea. Hala ere, diska hau, aurrekoa bezalaxe, biniloan beharko dut. Hemen duzue Calgary honetako aurrerapena izan den eta diskaren izen berbera duen Calgary kantua.