The Indezents bloga >>

…a tutti jorobi! Ba al da inor esaldi hau sekula entzun ez duena? “El cuatro por delante el siete por detrás, joroba con joroba, haber quien ganara”. Dagoeneko badakizue gehienok nortaz ari naizen.

Ez da sekula telebistan agertu, ezta antzoki batean ere, ez du libururik idatzi eta ezta egunkari batean artikulurik ere, ez da sekula famosa batekin oheratu (guk dakigula behintzat) eta ez du krimen izugarririk burutu (hau ere, guk dakigula…) baina tipo hau, Penintsula Iberiar osoko tiporik ezagunenetako bat da.

Haurrak ginela (orain baina gehiago esan nahi dut), eguna kamelluetan igarotzen genuen (…)  herriko festak zirela eta Mataderora barrakak gerturatu bezain pronto. Festetan zehar koadrila guztiaren artean ahal bezain puntu gehien biltzen genituen eta azken egunean, denak batu eta modako saria eramaten genuen etxera (gomazko bola erraldoia, txakur pilotua, haize-konprimidozko pistola…).

Hau guztia bere tronuak ematen dion altueratik ikusten zuen gure krack ezagun-ezezagun honek. Han pasatzen zuen eguna bere mikrofonoarekin tontokeriak esan eta esan eta guk, bere coletillak gure egiten genituen zentzu eta amaierarik gabeko eztabaidetan zehar.

Gauza garbia da barrakeroak geografia osoan zehar ibiltzen direna bueltaka, goitik behera eta ezker eskubi, baina konturatu gabe nintzen Penintsula osoko aurrek ezagutuko dutela tipo hau. Penintsula osoko haurrek jakingo dituztela bere coletillak eta Penintsulako haur guztiek esango zutela behin edo behin “Avanti tutti…” hori.

Konturatu gabe nintzen orain arte baina atzo goizean, La Sextako sukaldariari entzun nion vinagreta “a tutti jorobi” bota behar dela eta pentsatu nuen; demontre! Tipo honek ere izango du etxean haize-konprimituzko pistola eta sekula erabiliko ez dituen gomazko bala mordoa…

Zein txikia den mundua eta zenbat kilometro egiten dituzten barrakeroek…

El cuatro campeon, de la competicion!

Argazkia: sarean.com