The Indezents bloga >>

Aste pare batean zehar nahiko abandonatuta izan dut bloga oso lanpetuta baitgabiltz  eta ziuraski, horrela izango da hurrengo hilabetean ere (ea lanaren emaitza erakutsi dezakedan behintzat).

Kontua da gaurkoa e-mail bat iritsi zaidala youtubetik zintzilikatuta ditudan bideoetako batean erantzun bat dela eta. Gutxitan iristen dira horrelako mailak eta egia esan, pozez hartzen ditut.

Gaurkoan hala ere, ez zait batere gustatu jaso dudan erantzuna. Gogoan izango duzue Kuraiaren Piztu da Piztia kantuari egin genion bideoklipa eta ez baduzue, hemen doa:

Raised16 delako batek erantzun du eta bertan esaten duenak mezuburuan esaten nuena ekartzen dit burura; horrela, inora ez goazela alegia. Garbi dago espainiar estatua (gure Euskal Herria bezelaxe) fatxaz josita dagoela baina aspaldi ikasi genuen hauekin ez dagoela zer eginik. Beste gauzak batek arduratzen nau gehiago. Erantzuna idatzi duenak errespetutik idazten duela eta sentsazioa ematen dit ez duela bere hitzekin minik egin nahi.

Ze mentalitate dute azpikalde horretan? Zenbat ezjakintasun? Badakit galdera jakinak direla eta askok iluso bat naizela pentsatuko duzuena baina niri, barrenak nahasten jarraitzen dute.

Erantzun diot nahiz eta youtubek arazoak ere jartzen dituen honetarako (ezin dira 500 karaktere baina gehiago idatzi) eta erantzun diodanean haserrez idatzi badiot ere, orain tristura sentitzen dut, lastima, gizarte mediatiko puta honek ezjakintasunez jantziko gaituenaren beldurra, horrela inora ez goatzelaren ziurtasuna.

Hemen duzue lotura erantzunak irakurri ahal izateko. Eskertuko nizueke erantzun bat idazten baduzue tonu didaktikoan izatea jendea porkulotara bidaltzen jarraitzen badugu ez baitugu ezertxo ere aldatuko.