The Indezents bloga >>

Eta klasikoak nahasten eta nahasten iritsi gara nahasketaren nahasketaren amaierara. Egia esan, gaur ez dut idazteko bat ere gogorik (fundamentuzko astelehen bat aspaldiko partez) eta ederki etorri zait trilogia hau lan gehiegirik gabe gaur ere zerbait jartzeko blog santu honetan. Hala ere, honek ez du esan nahi gaurko bideoa txarra denik gero! Ojo!

Klasikoa, Rolling Stones handiena da eta kantua, bere diskografian dituzten ehundaka kantuen artean kuttunena dudana da: Sympathy for the Devil. Nahasketa Neptunes delako batek egina da eta kantuan zehar txertazten dituen  berrikuntzek (Sitjar eta guzti) beste haize batzuk ematen dizkiote kantuari. Sympathy for the Devil hau Fallen filmearen soinu banda da gainera eta filmeari esker ezagutu nuen  hain zuzen ere (filmeak ere merezi du pena). Hori bai, klipa ez zait batere gustatu gaur ere… egunero kaskarrabiasago nago.

“Polizi bakoitza kriminal bat den bezalaxe

Eta pekatzaile bakoitza santu

Txanponaren bi aldeak gauza berbera dira. Deitu idazu Luzifer!

Frenu pixka bat behar dut

Beraz, aurkitzen banauzu izan adeitasun apur bat

Sinpatia apur bat, dotoretasun apur bat

Erabili ezazu nirekin ikasitako gizabidea

Edo arima ustelduaraziko dizut!”