The Indezents bloga >>

Azkenaldian oso modan jartzen ari dira internetez musika entzuteko aplikazio ezberdinak. Oarin gutxi LastFM gomendatu zidan lagun batek eta egia esan oso tresna interesgarria da.

Hala ere, gaur bertan nire lengusu batek gomendatu didan honek, erraz gainditzen ditu orain arte ikusi ditudan beste guztiak (youtube, goear…). Spotify izena du eta egia esan, pixka bat saltseatu ostean, harrituta geratu naiz tresna berri honekin.

Ematen duenez, gonbidapen bat behar da Spotify erabiltzen hasteko (interesa duenak esan eta gonbidatuko dut). Gonbidapena jaso eta erregistratu ostean, programa bat jeisten dugu eta honen bidez entzun ahal dugu musika. Nahi duzun taldea jarri eta kantu mordo bat agertzen dira informazio gehigarriz jantzita. Kantu zerrendak sortu eta gordetzeko aukera ere ematen du beraz, ez da kantu bakoitza amaitu ostean hurrengoa aukeratzen ibili behar.

Gainera, legala omen da. Tartean behin, kantu eta kantu bakoitzaren artean (hamar bat) topatzen duzun iragarkiekin ordaintzen omen dituzte eskubideak. Horretaz gain, interfacea oso txukuna da, nire iPod maitearen iTunes-a gogoratzen dit (bai, badakit lehen gorroto nuela baina nor zara zu nire harremanetan sartzeko!).

Hala ere, badu bere pegatxoa Spotify honek. Talde euskaldun baten izena sartzea Flisturn Blinkers talde mitiko eta imaginarioarena sartzearen berdin berdina dela alegia. Lastima… Nik oraingoz, nire iPod maitearekin jarraituko dut (azkenean, elkar maitatzen ikasi dugu…).