The Indezents bloga >>

- Beasaina?

- Bai bai, sartu

Bere bota beltz eta gona koloreduna autoan sartu ditu

- …

- Uste dut hamasei urte nituenetik ez nuela autestopik egiten kar kar kar baina lagun batzuekin geratu naiz eta ez nuen nola joan. Azkar hartu nauzu ordea, zortea izan dut

- Etzait ezer kostatzen. Horrela behintzat konpainia izango dut bidean (konpizitate irribarre batek ihes egin dit)

- …

- Eta? Nolatan hemendik?

- …

- Barkatu, ez dakit ixilik egoten… Ze inporta zait niri zertan zauden hemen kar kar kar (deserosotasun irribarre batek ihes egin dio)

- Ez… Egia esatea nahi baduzu autoarekin buelta bat ematen ari nintzen zentzu askorik gabe, denbora pasa… Badakizu…

- …

- …

Autoko bozgorailuetatik ateratzen den musikan jarri du harreta

- Pear Jamen azkenekoa da ezta?

- Bai, oso gustora entzuten ari naiz azkenaldian nahiz eta hasieran ez ninduen gehiegi konbentzitu…

- Polita da. Hala ere… ez da kanturik egokiena neska bat ahazteko…

Begietara begiratu nau irriparre errukitsuz

- Pff (etsipen irribarre batek ihes egin dit) …hori izango da arazoa agian, ez dakidala ahaztu nahi ote dudan…

- …

- …

- Beno, iritsi gara.

- Mila esker! Hotz ederra pasatzeaz libratu nauzu

Bere bota beltz eta gona koloreduna autotik atera ditu.

- Ez horregatik! Gustoko izan dut zure konpainia

Autoko atea irekita duela erlojuari begira jarri da.

- Eeee, Egia esatea nahi baduzu, oso azkar hartu nauzu eta zazpi terdietan geratu naiz beraz… kafetxo bat nahi?

- Pff (itxaropen irribarre batek ihes egin dit). Zergatik ez?