Gaur, azaroak 30, Donostiako maratoi handia izan da. Eguraldi hotza, euria eta haizea, korrikalarien amesgaiztoa izan da gaurkoa. Baina lasterkariek hortzak erakutsi dizkiete eguraldiari, eta 3000 lagun inguru atera dira kalera, 42 km korrika egitera. Abdelkedir Lamachi marokoarra (2:15:14) eta Ana Casares (2:37:20) triatleta nafarra izan dira garaileak.


Elgoibartik 19 lagun izan dira lasterketan. Guztiei zorionak eman nahi dizkiet bihotz-bihotzez, baina bereziki Urgazi triatloi taldeko lagun min bati; Javi Fernandezi, alegia. Javi ez da kirol bakarreko gizona, kirol guztiak gustatzen baitzaizkio (triatloia, surfa, mendia...). Ez da batean bereziki nabarmentzen, eta guztietan irribarrea ezpainetan duela helmugaratzen da. 2008a urte bikaina izaten ari da berarentzat: Lekeitioko triatloia, Zumarragako  mendi lasterketa, San Migeleko igoera, Nahaste Borraste, Karakateko igoera, Kosta trail zeharkaldia, Eibarko duatloia, Zakila Bira, Plaentxi-Bergara, Zumaiako herri lasterketa, eta abar. Gaur asko sufritu duela esan dit, hunkituta ere ikusi dut, eta barreneraino iritsi zait bere sentimendu hori. Maratoia, fisikoa baino gehiago buruko lasterketa gogorra baita. Kirolean burugogorra, konstantea  eta zoriontsua izatea, horiek dira Javiren gakoak horrenbeste garaipen txiki lortzeko. Kirolarion blog txiki honetatik, zorionak eta eskerrak eman nahi dizkiot lagun honi, horrenbeste ordutan elkarrekin ibiltzen baikara korrika eta batez ere bizikletan. Zorionak bihotz-bihotzez!

Postua	Izena	Denbora
48	jose antonio ruiz	02:37:04
254	Jon revert	2:54:35
673	jesus mari agirretxe	03:07:12
799	danel fernandez	03:10:32
808	mariano lopez	03:09:30
949	eduardo uribe	03:13:01
1000	Javi fernandez	03:15:57
1256	berex ortiz	03:22:03
1257	david soto	03:22:03
1555	ignacio perez	03:28:13
1848	modesto cid	03:36:30
1882	juan jose gurrutxaga	03:37:45
2145	tomas gonzalez	03:48:18
2149	maria pilar arriola	03:48:34
2150	asier arrieta	03:48:35
2183	tomas angel azpeleta	03:49:08
2381	unai narbaiza	03:58:44
2487	mikel arriola	04:09:22
2619	xabier elustondo	04:31:10

Sailkapen osoa: www.maratondonostia.com